Æfingar hjá Ægi / SKR hafnar

Æfingatímar eru 20:15 – 22:00 mánudaga og miðvikudaga í Laugardalslaug. Öllum velkomið að mæta og kynnast sundknattleik. Áhugasamir geta sent póst á [email protected] eða hring í Tómas s. 8538575.

Nýtt tímabil að hefast!

Nú styttist í að 2013-2014 tímabilið hefjist í sundknattleiknum og félögin tvö hefja brátt æfingar á ný. Sundfélag Hafnarfjarðar verður með kynningarfund næstkomandi miðvikudag í fundarsal félagsins í Ásvallalaug þar sem öllum er frjálst að mæta og kynna sér félagið og íþróttina.

[important]Kynningarfundur Sundfélags Hafnarfjarðar – 21. ágúst 2013

Ásvallalaug – Fundarsalur – kl 20:00

Áhugasamir geta skráð sig á staðnum[/important]

Úrslitakeppni um Íslandsmeistaratitilinn eftir tæpa viku

Næstkomandi mánudag hefst úrslitarimma liðanna um Íslandsmeistaratitilinn þetta árið. Seinustu 2 árin hafa SH-ingar varið titilinn frækilega en nú er staðan svo að aldrei áður hafa liðin verið eins jöfn að vígi og leikir ársins sýndu okkur. Það er því engan veginn hægt að segja með vissu hvar bikarinn endar og spennandi leikir framundan.

Continue reading

Seinasti leikur deildarinnar og úrslitakeppnin handan við hornið

Nú í kvöld lauk 9. og seinasta leik deildarinnar á þessu tímabili. Ægir heimsótti hafnfirðingana í SH í hörkuspennandi leik í Ásvallalaug. Innherjamaður hjá SH gaf það upp við fréttamann Sundknattleikur.is að leikmenn liðsins hefðu verið teknir í naflaskoðun eftir tvo tapleiki í röð.
Litlu munaði að Ægi vantaði leikmann upp á til að hafa fullskipað lið en það rættist úr því rétt áður en flautað var til leiks.

SH skoraði fyrsta markið í leiknum en Ægir svaraði með 3 mörkum áður en fyrsta leikhluta lauk. Í öðrum leikhluta var neistinn kominn í SH-inga sem hélt hreinu og bætti að auki 4 mörkum við. Staðan allt í einu orðin 5-3 SH í vil og það þrátt fyrir að tveir leikmenn SH hafi fengið brottvísun í leikhlutanum.

Eftir hálfleik koma á ný baráttukafli hjá báðum liðum og 4 mörk skoruð sem skiptust jafnt niður á liðin.
Í fjórða og seinasta leikhluta komust Ægir-ingar aftur inn í leikinn, skoruðu 3 mörk í röð og náðu að jafna. Þannig hélt þetta áfram en SH náði alltaf að komast marki yfir þangað til 30 sekúndur voru eftir af leiknum en þá skoraði Glenn Moyle jöfnunarmark og staðan 10-10. SH brunaði upp í sókn og passaði að halda boltanum út leiktímann en þegar 11 sekúndur voru eftir af leiknum flautaði dómarinn villu á Ægi og leikmaður nr 11 rekinn útaf í 20 sekúndur. Leikmenn SH börðust við að skapa sér færi sem kom að lokum og skoraði leikmaður nr 6. Kristján Guðnason 11. mark SH þegar einungis 2 sekúndur voru eftir á klukkunni. Skotið kom af rúmlega 6 metra færi en ólánsamur varnarmaður Ægis fékk boltann í hendina sem breytti örlítið um stefnu og endaði upp við samskeytin. Sannarlega dramatískur endir á stórskemmtilegum leik.

Nú er deildinni lokið og ljóst að SH sigraði þessa fyrstu skipulögðu en afar stuttu deildarkeppni í Sundknattleik á Íslandi. 5 sigrar, 1 jafntefli og 3 töp. Ægir má vel við una enda ekki við því að búast fyrirfram að þeir myndu ná að landa 3 sigrum á SH. Miklar framfarir hafa átt sér stað innan þeirra herbúða og ljóst er að það stefnir í magnþrungna úrslitakeppni um Íslandsmeistaratitilinn eftir tæpar tvær vikur.

 

Ægir heldur sigurgöngu sinni áfram

SH mætti aftur í heimsókn í Laugardalslaugina mánudagskvöldið 6. Maí staðráðnir í að landa sigri. Liðin voru nokkuð jafnt skipuð að þessu sinni og byrjaði leikurinn af krafi en SH-ingar voru fyrstir til að skora. Það breyttist þó fljótt og settu leikmenn Ægis boltann í nokkrum sinnum í netið en fyrir hálfleik náði lið SH að minnka muninn í 5-4. Jafnræði var með liðunum í þriðja leikhluta og staðan 7-7 þegar flautað var til leiks í þann fjórða. Þreytt og hugmyndasnautt lið SH virtist ekki finna glufu í vörn Ægis. Refsað var fyrir slæman varnarleik SH-inga með 3 mörkum og ekkert sem SH lagði upp með virtist ganga upp. Ægir steig upp úr lauginni með sannfærandi og verðskuldaðan sigur. 10-7 var staðan þegar flautað var til leiksloka.

Load more